SHAIRI: PENZI LA PROFESA
Hadithi Hadithi njoo, eti
utamu kolea,
Staff ni Kariakoo, kama
Shuleni ni Daa,
Porofesa Shikamoo, penzi
lako lanikolea,
Tamu Penzi La Profesa, limefanya
Nimedisco
Stori ilianzia lekcha, tangia
mwaka wa kwanza,
Nilipomuita Ticha, kumbe
ajua kufunza,
Macho nikayapikicha, kidole
kikawa funza,
Tamu Penzi La Profesa, limefanya
Nimedisco
Quiz aloitoa, mimi simo
Darasani,
Hofu ikaniingia, nikaenda
ofisini,
Goti nikampigia, pate
maksi kilaini,
Tamu Penzi La Profesa, limefanya
Nimedisco
Mwenyewe kanifukuza, hataki
hata niona,
Machozi nikajiliza, mwenyewe
huku kanuna,
Mafua kuyapuliza, huruma
pate iona,
Tamu Penzi La Profesa,limefanya
Nimedisco
Mara katoa kauli, nenda
Uje baadaye,
Nikahisi ni kivuli, mwanga
Uje ung'aye,
Nikasema afadhali, kumbe
ni Kajiandaye,
Tamu Penzi La Profesa, limefanya
Nimedisco
Muda nao kawadia, nikaenda
ofisini,
Miwani akaivua, kalamu
kaweka chini,
Nataka kusaidia, kwa pozi
na umakini,
Tamu Penzi La Profesa, limefanya
Nimedisco
Kama unataka maksi, mimi
nataka mapenzi,
Wala siwe wasiwasi, ntakulinda
ntakuenzi,
Pesa tele kwa nafasi, nitakupa
nalo Benzi,
Tamu Penzi La Profesa, limefanya
Nimedisco
Moyo kajawa tamaa, kawa
sitaki nataka,
Akili ilikataa, huku moyo
ukataka,
Neno Zito nikatoa, profesa
akaniteka,
Tamu Penzi La Profesa, limefanya
Nimedisco
Na vile sinaga bumu, kwangu
ikawa Neema,
Vile maisha magumu, kwa
tabu ninavyosoma,
Nikampenda mwalimu, penzini
zama mazima,
Tamu Penzi La Profesa, limefanya
Nimedisco
Tukaanza kwenda klabu, wikendi
hasa usiku,
Tukaanza gonga ulabu, baga
Piza Chipsi kuku,
Kwangu ni mwisho wa tabu,
sasa mimi si kapuku,
Tamu Penzi La Profesa, nimefanya
Nimedisco
Nikasahau na shule, kutwa
nipo na profesa,
Leo huku kesho kule, tunakula
tu anasa,
Nikampa penzi tele, muziki
kama Darasa,
Tamu Penzi La Profesa, limefanya
Nimedisco
Penzi likaninogea, nikapoteza
ramani,
Semista ikapotea, ikafika
mitihani,
Shule kaingia doa, nikafeli
siamini,
Tamu Penzi La Profesa, nimefanya
Nimedisco
Sasa muda wa Aris, moyoni
ni tetemeko,
Nikawa na wasiwasi, moyoni
mfadhaiko,
Nilihisi mkosi, matokeo
nimedisco,
Tamu Penzi La Profesa, limefanya
Nimedisco
Narudi home najuta, kutwa
kulia machozi,
Nichotaka nimepata, narudi
kwao wazazi,
Nakumbuka ninajuta, hili
funzo la Kizazi,
Tamu Penzi La Profesa, limefanya
Nimedisco,
Na Shaaban Maulidi.
0718526159/ 0763902318
No comments