SIMBA HAIWEZI KUSHINDA BILA YA OKWI: TAMBWE

MSHAMBULIAJI wa kimataifa wa Yanga,

 Mrundi, Amissi Tambwe, amefurahishwa

 na matokeo ya bila kufungana ambayo 

Simba iliyapata juzi Jumamosi ilipocheza 

na Azam FC.

Hata hivyo, Tambwe ambaye msimu wa 2013/14

 alikuwa akiitumikia Simba, alisema kuwa 

alijua kabisa timu hiyo isingepata matokeo 

mazuri katika mechi hiyo bila ya uwepo wa

 Mganda, Emmanuel Okwi kwenye mchezo huo.

Akizungumza nasi Tambwe alisema kuwa

 kwa washambuliaji wa Simba waliopo hivi

 sasa, ukimwondoa Okwi, ilikuwa ni ngumu 

kwao kuifunga Azam kutokana na kutokuwa

 na ubunifu wa kutafuta ushindi pindi wanapokuwa 

wamebanwa vilivyo na mabeki wa timu pinzani.

Emmanuel Okwi.

“Matokeo hayo nimeyapokea vizuri na nimefurahi 

baada ya kuona kile nilichokuwa nikiwaza 

akilini kwangu kimetimia, kwani nilijua kabisa

 Simba wangekutana na matokeo hayo katika mchezo huo.

“Hiyo ni kwa sababu washambuliaji wengi wa timu

 hiyo siyo wabunifu wa kutafuta mbinu mbadala za

 kufunga pindi wanapokuwa wamebanwa vilivyo na wapinzani wao.

“Mchezaji pekee ambaye angeibeba Simba katika 

mechi hiyo alikuwa ni Okwi lakini baada ya kusikia

 tu kuwa hatacheza mechi hiyo moja kwa moja 

matokeo hayo waliyopata yakanijia akilini kwangu,

” alisema Tambwe na kuongeza:

“Kwa hivyo hivi sasa dalili ya sisi kuchukua 

ubingwa wa ligi kuu kwa mara ya nne mfululizo 

nimeanza kuiona na ninamwomba Mungu nirejee 

mapema uwanjani ili niweze kuisaidia timu yangu

 ya Yanga kutimiza ndoto yetu hiyo.”